Руслан Казакбаев: Я в первую очередь буду сожалеть, если Фарид Ниязов уйдет в отставку

Президент Сооронбай Жээнбековдун аппаратын жетектегенине үч ай жаңы гана толо баштаганда Фарид Ниязов эмнегедир өз каалоосу менен кызматынан кеткиси келип атканын каңкуулаптыр. Анын жазган арызына мамлекет башчысы азырынча кол кое элек. Ошол эле убакта Ф. Ниязов да атасын коркуткандай жумушка чыкпай атканы белгилүү.
Бул эрендин ысымы дагы коомчулукка негизинен апрель революциясынан кийин кеңири таанымал болду. Ага чейин деле мамлекеттик кызматтарды аркалап келген, бирок кандай гана кызматка барбасын, ал бир ордунда эки жылдан ашык убакыт иштеген эмес. Бат –баттан орун которуштуруп туруу – анын фобиясы сыяктуу. Мамлекеттик кызматтарда болбой калган учурларында маалымат булактарына барып иштемиш этип келген. Бирок, ошентсе дагы анын ушул күнгө чейин бир олуттуу макала жазганын эч ким окуй элек. Андыктан анын журналистика менен таптакыр жакындыгы жок деп айтып койсок деле болот.
Ошол эле убакта мыкты аппаратчик катары деле өзүн көрсөтө алган жок. Бирок, ошол мамлекеттик кызматтарда жүрүп эле, эч кандай бизнес жасабастан мамлекетибиздеги орто жоон байлардын катарын толуктап алганына не дейбиз?
Ф. Ниязовдун 2015-жылы толтурган декларациясына караганда анын өзүнүн негизи кызмат ордунан тапкан кирешесинен башка эч кандай кошумча кирешеси жок. Бирок, эмнегедир анын мүлктөрү тапкан кирешесинен алда[упс, чуть не ругнулся]а ашыктык кылат. Тактап айтсак, мамлекеттен алган айлык маянасы анын баскан-турганы, карым-катышы, үй-бүлөлүк муктаждыктары үчүн кеңири жетет деп эсептесек дагы, анын акыркы бир нече жылдын ичинде эле 40 гектарга жакын жер тилкесине ээлик кылып калышы өтө таң калычтуу жагдай болуп туру.
Кеңири түшүндүрүп берели. Декларациясы боюнча Ф. Ниязовдун эсебинде жарым батири бар. Жарымысы кыязы аялына катталган окшойт. Андан тышкары мал сарайы жана айыл чарба багытындагы үч жер тилкеси (7 гектар, 9,6 гектар жана 3 гектар) анын ишенимдүү адамынын башкаруусуна берилген. Ошол эле убакта ал дагы бир жер тилкесинин (1,6 гектар) ээлеринин бири болуп саналат.
Кыймылдуу мүлктөрдөн анда 1984-жылы чыгарылган "Audi-80 Quattro" автоунаасы жана 2007-жылкы ЛТЗ-60А трактору катталган. Андан тышкары жүк контейнерлери жана курулуш вагондору ишенимдүү адамдарынын башкаруусуна берилген.
Мына ушул декларациясында көрсөтүлгөн жер тилкелери өлкөбүздүн кайсыл аймагында экендиги так көрсөтүлгөн эмес. Андыктан ал жер тикелеринин баасы [упс, чуть не ругнулся]а болушу мүмкүн экендигин иликтеп гана көрүү керек.
Убагында Ө. Текебаев Ф. Ниязовдун 13 кыймылсыз мүлкү бар экендигин айтып чыккан. Анын арасында жер тилкелери да бар. Ошондо Ниязовдун кол алдында иштеген кызматкерлери «шефинин» батиринен сырткары эки гана жер тилкеси бар экендигин айтышкан болчу. Бирок, Текебаевдин айтканы чындык экени билинүүдө.
Ф. Ниязовдун жарым батиринен сырткары дагы 108 чарчы метрлүү турак-жайы, айыл чарба багытындагы дагы 19,2 гектар 5 жер тилкеси, андан сырткары дагы 15 соток жер тилкеси бар экендиги билинди. Ошондо анын жалпы жоунан 39,35 гектар жер тилкеси бар болуп атат. Ватикан аттуу чакан мамлекет бар экенин, анын ээлеген аянты да бар болгону 40 гектардын тегерегинде экенин билебиз. Ошондо Фарид мырза жалгыз эле бир чакан мамлекеттин ээлеген жерин ээлеп отурган болобу?
Мына ушул жер тилкелерине Фарид мырза 2010-жылдагы апрель революциясынан кийин гана ээлик кылган деп айтууга болот. Себеби, анын 2011-2012-жылдары декларациясы жок болгон. Ошол убакта деле мамлекеттик жогорку кызматтарды эллеп турган, бирок эмнегедир декларация толтурган эмес.
Ал өзүнүн ишмердүүлүгүн союз маалында эле баштаган. Ал убакта жер эч качан менчикке берилчү эмес. Андыктан Ниязовдун ээлеген жерлери башынан эле анын үлүшүндө болчу деп айта албайбыз.
Ошондо апрель революциясынан кийин коррупцияга каршы күрөш катуу жүрүп атса, Ф. Ниязов жылуу «колтуктун» ичинде жашырынып отуруп алып, гектарлаган жер тилкелерин менчигине басып отурган экен деп айтсак туура болобу? Балким, мына ушул жер тилкелери тууралуу Фаирд мырза өзү конкреттүү жообун берер.
Ф. Ниязов ушул күнгө чейин мамлекеттик кызматтарда иштеп жүрүп, мамлекет үчүн бир олуттуу салым кошкон деп айтууга да ооз барбайт. Тескерисинче анын салымы менен эң сонун иштеп, 350 адамды жумуш орду менен камсыз кылып келген «Вечерний Бишкек» басма үйү банкротко учуроо алдында турат. Бул анын өлкөбүздөгү жумушсуздуктун көбөйүшүнө салымы болуп калды. Ошол эле убакта жакшы иштей албаган ишкана салыкты да убагында төлөй албай турганы белгилүү эмеспи.
Кыскача айтканда, мына ушундай таржымалы бар Ф. Ниязовдун эми мамлекеттик жогорку кызматтарды ээлеп отурушу деле моралдык жактан туура эмес болуп калчудай. Экинчи жагынан акыры мыйзам алдында да жасаган иштери үчүн жооп бериши керек сыяктуу.

нормальное явление, Фарид Ниязов возможно специалист хороший, но не заменимых нет, найдутся еще молодцы которые готовы работать во благо народа

Л - лицемерие, главная отличительная черта политиков в нашей стране. Казакбаев очень бы хотел, чтобы Ниязова снесли, а его попа оказалась в кресле рук.аппарата, но Жээнбеков не пустит себе под сердце бабановского другана.