ГКНБ: Албека Ибраимова в розыск не объявляли

Кыргызстандын эгемен тарыхындагы эң чуулуу окуянын өнүгүүсү кайрадан күч алабы? Эксперттер маховиктер жаңыдан гана айлана баштаганын, камоолор мындан ары да уланып, өлкөнүн экс-президенти Алмазбек Атамбаевге да кылмыш иши козголушу мүмкүн экенин айта башташты.

“Кыңыш иш кырк жылда” дейт кыргызда. Көрсө, акыркы 6 жылда Кыргызстандын жогорку бийлик төбөлдөрүнүн басымдуу бөлүгү коррупцияга малынып калган тура. Бул Бишкек ЖЭБиндеги авариядан кийин ачыкка чыгып олтурат, ЖЭБди кытайлык TBEA компаниясы модернизациялоодон өткөргөн эле. Объект 2017-жылдын күзүндө эксплуатацияга берилсе, ушул жылдын январындагы катуу сууктан улам ЖЭБдеги жабдуулар иштен чыгып, Бишкектин эли 1 жума жылуулуксуз жана жарыксыз калышты. Албетте, авариядан соң “эмне үчүн мындай болду, ЖЭБ жакында эле оңдолуп-түзөлбөдү беле, ага 386 млн. доллар коротулбады беле?”, - деген мыйзам ченемдүү суроолор пайда болду. Анан кызыктын баары ошондон кийин башталып, чындык чыркырап чыкпадыбы...

Чындыкка жетүү маселесин алгач Жогорку Кеңештин депутаттары көтөрүп чыгышты. Авариянын себебин парламенттик комиссия аныктамай болду. Депутаттар кабыл алган токтомго ылайык, УКМК, Башкы прокуратура жана Эсеп палатасы менен биргеликте 3 айдын ичинде маселени дыкат, тыкыр иликтеп чыкты. Маселенин чоо-жайын ичтен иликтеп чыгышкан депутаттар ЖЭБде орун алган коррупциялык схема боюнча айтарга сөз таппай калышты. Анткени, тирукмуш фактылар ачыкка чыкты. Базарда баасы 100 сомдон ашпаган аттиштер ЖЭБ үчүн 320 доллардан сатылып алынып, баасы бир [упс, чуть не ругнулся]а эсеге ашыра бааланганын билдик. Транспорттук жана консультативдик чыгымдар, эски жабдууларды жаңыларына алмаштыруу иштери 10-20 млн. доллардын башын чапчыптыр. Макулдашууга ылайык, кытай тарап 386 млн. долларга Бишкек ЖЭБинин үчтөн бир бөлүгүн гана жаңылашы керек болсо, Тажикстанда бул суммага жетпеген акчага жапжаңы ЖЭБ курулуп, ишке киргизилди. Бул эмнеден кабар берди? Кытай тарап менен кредиттик макулдашуу өлкө үчүн кымындай да пайдалуу болбогонун, макулдашуу айрым бир чиновниктердин капчыктарын кампайтуу үчүн гана түзүлгөнү айкын болуп атпайбы!

Айрым маалыматтарга караганда, Албек мырза Кыргызстандан тышкары качып кеткен. Биз буга чейин А. Ибраимов да "ТНК Дастан" ишканасындагы мыйзам бузууга байланыштуу шектелип 13-майда УКМКга сурак берип чыкканын билебиз. Андан кийин 30-майда бул факты боюнча Кылмыш-жаза кодексинин 171-беренеси ("Кызмат абалын пайдалануу менен ишенип берилген мүлктү өзүнө ээлеп алуу жана коротуу") менен кылмыш иши козголгон.

Коррупцияга каршы күрөштөн Атамбаев саясий куугунтук «жасагысы» келеби?
July 16, 2018


Өткөн аптанын соңку күнү Бишкек шаарынын мэри болуп келген Албек Ибраимовго шаардык кеңештин депутаттары ишенбөөчүлүк жарыялашты. Албек Ибраимов ага карата козголгон оор кылмыш иштерине карабай, 1-вице-мэри жана башка шаар жетекчилери камакка алынганына карабай, өзүм билемдик кылып, шаар жетекчилигин таштап, 10-июлдан 8-августка чейин эмгек эргүүсүнө чыгып кеткендиги депутаттарды нааразы кылды. Ошентип шаардык кеңештин кезексиз жыйынына чогулган 40 депутат толугу менен А. Ибраимовго ишенбөөчүлүк жарыялоону колдошту.
Ошол эле күнү эс алууда жүргөн А. Ибраимов кайсы бир талаадан видеокайрылуу жасап, ага карата ишенбөөчүлүк жарыялоону саясий куугунтук катары баалады. Анын артынан эле экс-президент, КСДП партиясынын төрагасы Алмазбек Атамбаев өзүнүн басма сөз кызматы аркылуу үн катты.
«Албек Ибраимовду өтө ыпластык менен кодулоонун жана саясий жүйөлөрдүн жыйынтыгы күн мурун эле белгилүү болуп турат. Шаар кеңешинде болуп өткөн отурумга келбей калуусунун себебин мэрдин өзүнөн суроо керек. Балким, ага кабар жетпей калгандыр же депутаттар үчүн ушундай болгону ыңгайлуу чыгар. А балким, А.Ибраимовго бул териштирүүлөрдүн адилеттүүлүгүнө ишенбөөгө өтө көп негиздер бар чыгар. Карап көргүлөчү, кандай гана жугундуларды куюп, ишке кандай гана тоскоолдуктарды жаратып жатышат! Жарым жылдан бери. Бардык эле жоопту адамдар коррупцияга каршы күрөштө булардын эч кандай тиешеси жок экенин билишет», - деп айтылат А. Атамбаевдин кайрылуусунда.
Биринчиден, А. Ибраимовго шаардык кеңеш чакырууну телефонограмма аркылуу жөнөтүшкөнүн анын төрагасы билдирген. Бирок, Албек мырза барган жок. Экинчиден, шаардык кеңеш чечим кабыл алары менен эле А. Ибраимов кайсы бир талаадан кайрылуу жасап чыкты. Демек, анын бул сессиянын өтөөрүнөн жана анда ага карата ишенбөөчүлүк жарыяланышы көтөрүлөөрү белгилүү болгон. Үчүнчүдөн, А. Ибраимовго эч ким жугунду куйган жок. Ага карата конкреттүү фактылар менен айыптоолор коюулуда. «ТНК Дастанды» башкарып турганда мамлекетке ири суммада зыян алып келгени боюнча кылмыш иши козголгон. Муну Албек мырза өзү ошондо эле эч кандай саясий куугунтук эмес деп атаган. Андан сырткары 9090 сомдук көчөттөр боюнча да маселе бар. Жерлерди мыйзамсыз берүү боюнча да чоң маселе турат.
А. Атамбаев бул кайрылуусунда А. Ибраимовдон башка дагы өзүнүн «оң колу» С. Исаков менен «сол колу» К. Кулматов боюнча мындай дейт: «Ал эми Сапар Исаков менен Кубанычбек Кулматовду маанисиз айыптоолордон жана негизсиз кылмыштуу кысмакка алуудан кийин, өзгөчө, ЖЭБ иштери боюнча серепчилерди тикелей куугунтукка алуудан кийин кандай адам болбосун акыйкаттыктан үмүтүн үзүп коюшу мүмкүн».
Мына сага тамаша! 386 млн АКШ доллары сарпталган ТЭЦтин бир кыштан чыкпай аварияга учурашы, анда бир кычкачтын баасы 640 доллар болуп кетиши маанисиз айыптоо жана негизсиз кылмыштуу кысмакка алуу болуп калабы? С. Исаковдун Кытай компаниясынын өкүлдөрү менен өтө көп жолугушканы алганбы? Ошол ТЭЦти модернизациялоо эч кандай техникалык экономикалык негиздемеси жок эле жасалып калганын кантип жашырабыз? Айтор, толтура суроолор бар. Андыктан бул кыңыр иштин учугу келип АШАнын өзүнө такаларын билген ал, алдын-ала минтип актанууга өтүп атканыбы?

Цитирую Бука:

Я бы все понял, если Соке и Асылбек сажали бы и людей из своего клана. Матраимов к примеру, ну или Абжалиев, думаете на него нет ничего? Ошибаетесь! Еще надо было сажать Жапарова Акылбека. Пусть просто нам всем прояснит на какие деньги Дамас стоит и на какие деньги купил землю на, которой она воздвигнута.

Ты про Атамбаева говоришь что ли все перечисленные это из клана Атамбаева, тот же Раим кошелек Атамбаева и близкий друг водилы Атамбаева Икрама. почему Атамбаев зная про Раим он не посадил его, Атамбаев скорее повысил его с должности сделал зампредом, вот вам все факты.