ГКНБ рассматривает вопрос о возможной госпитализации Жанторо Сатыбалдиева

Бүгүнкү күндө Кыргызстандагы коррупцияга баткан чиновниктердин ишмердиктерин текшерүү маховиги ишке киргизилди. Бирок мамлекеттик масштабдагы ууруларга каршы күрөшүү ара жолдо калуу коркунучу жок эмес. Дегенибиз, потенциалдуу «уурулардын» таламын эл аралык уюмдардын кээ бир өкүлдөрү талаша башташты. Кимдер, кандай жолдор менен эл аралык институттарды өтө күмөндүү мыйзамдык долбоорду ишке ашыруу үчүн каржы траншын бөлүп берүүгө түртүүдө? Мында сөз КРнын «КР Жогорку Кеңешинин көзөмөлдөөчү функцияларын ишке ашыруу жөнүндө» мыйзам долбоору жөнүндө болуп жатат. Аталган мыйзам долбоору УКМКнын ишмердигин парламенттик көзөмөлгө алуусуна багытталган. Жөнөкөй тил менен айтканда, Кыргызстанда мурдагы президент-мультимиллионерлерди, чет өлкөлөрдө ири капитал жана кыймылсыз мүлккө ээ болгондорду кылмыш жоопкерчилигине тартуудан куткарууну көздөгөн укуктук механизм иштелип чыгылып, аны ишке ашыруу планы даярдалууда. Тилекке каршы, чет өлкөлөрдөн түзүлгөн бул планды ишке ашырууга биздин айрым жарандардын активдүү түрдө катышып жатканы өкүндүрүүдө. Өз кадамдары менен алар тарыхка коррупционерлердин мыйзамдык укуктарын коргоочулар, аларды кылмыш жоопкерчиликтеринен куткаруучулар катары кирип калышары талашсыз. Алардын аты-жөндөрүн ачык атабай коюу мүмкүн эмес. Анткени, коррупционерлерге кылмыш иштеринин козголуусу саясий мүнөзгө ээ экендигин дал ошолор айтып чыгышууда. Сыягы, алар батыштагы акча берчүлөрдү ынандырууга жетишкен окшобойбу. Болбосо, «Люкс» классындагы отелде жыйындардын бат-баттан өткөрүлүп жатканын эмне менен түшүндүрүүгө болот?