Телепортация? Ни ГКНБ, ни генпрокурор не знают, где находится Аскарбек Шадиев

Буга чейин “коррупция” беренеси менен кылмыш иши козголгон саясатчы Аскарбек Шадиевдин кайда экени белгисиз болуп жаткан. Интернет булактарында болсо анын Лос-Анджелес шаарында күн кечирип жатканы тууралуу маалымат тарады. Орус тилинде жарыяланган бул маалыматтын кыргызча вариантын сунуштайбыз:
“Шадиев Лейлек-Тажикстан-Дубай-АКШ (Лос-Анджелес) багыты менен өлкөдөн качып кеткен. “Кошелек” Шадиев өзү менен кошо Атамбаевдин, Сапар Исаковдун, Икрамжан Илмияновдун үлүштөрүн, активдерин кошо оффшордук аймакка чыгарап кетти. Шадиевдин мындай схемасына борбор калаанын бир катар бизнесмендери аралашкан. Эмне Шадиев 30 миң доллар үчүн өлкөдөн качмак беле?
Шадиевдин чет өлкөлөрдөгү ар кандай оффшордук компанияларда акчалары жана кыймылсыз мүлктөрү бар. Учурда ал АКШнын Лос-Анджелес шаарындагы өзүнүн хан сарайында күн кечирүүдө.
Шадиев Лейлектен чыгып кетип жатканда анча чоң эмес “коштошуу кечесин” өткөрүп, “Атамбаев күзгө чейин өлкөдөн чыгып тур” деп суранганын айткан. Күзүндө болсо Атамбаев санаалаштары менен “куралдуу төңкөрүш” пландап жатат. Буга Алмаздын тажрыйбасы жетиштүү”.

Шадиев залёг на дно, как подводная лодка? До лучших времён.

Мамлекет кызыкчылыгы үчүн коррупционерлердин колуна кишен салынып, мүлктөрү конфискацияланышы керек


Экс-президент А. Атамбаевдин убагында коррупцияга каршы күрөш жүрүп аткандай түр жаралганы менен анын айлана-тегерегиндегилер өздөрү коррупцияга белчесинен батып калышканы коомчулукка ачык маалым болуп калды. Бишкек ТЭЦин модернизациялоодо бир кычкачты 640 доллардан, бир видеобайкоо жүргүзүүчү камераны 14500 доллардан документтештиришкени, алтургай анын Техникалык экономикалык негиздемеси да даярдалбастан эле иш жасалганы ачыкка чыкты.
Анын артынан эле борбор калаабыздагы Тарых музейин реконструкциялоодо жыгачтан жасалган инсталляция (жөн эле устун сыяктуу) 600 доллардан (жалпы 54 даана) сатылып алынганы , жыгачтан жасалган аттар (көбүрөөк эшекке окшош) 14 000 евродон сатылып алынуусу пландаштырылганы, мындан сырткары дагы эмеректерди өтө эле кымбат баада сатып алышкандары билинди. Алтургай Тарых музейинин алдындагы төшөлүп туруучу мурдагы таштар учурда А. Атамбаевдин Кой-Таштагы жаңы курулган хансарайынын эшигинин алдына төшөлүп калганы да жашыруун болбой калды.
Демек, эми эл мына ушул экс-президент А. Атамбаевдин айлана-тегерегиндегилердин мыйзам чегинде татыктуу жазасын алуусун күтүп турган чагы. Бул багытта эксперт Турат Акимов мындай дейт: “Атамбаевдин командасынын финансылык күчү өтө көп. Ошол эле Илмияновдун тегерегинде, ошол эле музейдин тегерегинде чоң акчалардын булактары чыгып калышы мүмкүн. Ошол эле чек арадан кармалган Дамирбек Асылбек уулу деген депутат да Атамбаевге караштуу болуп калган. Андыктан Атамбаевдин финансылык базасын солгундатуу, соолутуу үчүн Атамбаевдин тегерегиндегилердин баарысына иш козголушу керек”.
Турат Акимов эми алдыда “компроматтар согушу” болушу күтүлө турганын айтат. “Эми Жээнбековдун командасы баарына иш козгоп, компроматтарды толтурушу керек. Анткени Атамбаевге караштуу мурда кеткен күч органдары албетте алар дагы папкаларын даярдап кеткен. Муну “Компроматтар согушу” деп коет”, - дейт ал.
Ошондой эле ал бүгүнкү күндө коомчулукка белгилүү болуп калган ТЭЦ, Музейдеги коррупциялык элементтерге тиешеси барлардын баары катуу жазаланышы керек экендигин белгилейт. “Булардын арты кандай бүтүшү керек экендигин Сооронбай Шарипович өзү чечет. Анткени мындай маселелерди чечүүдө өтө чечкиндүү болуп, оор жазаларын берип, тартипке тартыш керек. Болбосо, 27 жылдан бери уурулукка көнүп калган биздин көчө шыпыргычтан тарта президентке чейин эч ким жоопко тартылган эмес. Болор-болбос жоопкерчилик менен көбү кутулуп кеткен. Чоңдордун көбү чет өлкөлөргө качып кеткен. Биз мына кече жакында эле Малайзиянын премьер-министрлик кызматына келген Махатхир Мохамаддын таасиринен да алсак болот. Ал бийликке келип, 5 күндүн ичинде чек аранын баарын бууп, самолет, поезд, кораблдер кеткен КППлардын баарын камакка алып, камалган премьер-министрдин үй-бүлөсүн, бала-чакасына чейин баарын мамлекеттен чыгарбай, чоң-чоң фуралар менен уурдалган алтындардын баарын көргөзүп, дүйнөгө таратып койду. “Биздин келечек мындай болбошу керек.