Бишкекте арпа сатып берем деп убада берип, 200 миң сомун алып, дайынсыз жоголду

Бишкекте бир адам арпа сатып берем деп 200 миң сом алып, изин жашырып кеткен. Бул тууралуу Vesti.kg сайтына борбордун Ленин райондук ички иштер башкармалыгынан билдиришти.

- Бишкек шаарынын тургуну милицияга кайрылып, ал бейтааныш адамды таап берүүнү суранган, - деп билдирди укук коргоо кызматкерлеринин басма сөз кызматы. – Август айынын башында Турусбеков жана Москва көчөлөрүнүн кесилишинде алдоо жолу менен арыз ээсинин ишенимине кирген. Ал 10 күндүн ичинде арпа сатып алам деп убада берген. Бирок арыз ээсинен 200 миң сом алып, белгисиз тарапка качып кеткен.

Арызга ылайык, алдамчылык фактысы боюнча кылмыш иши козголгон. Ыкчам-иликтөө иш-чараларынын жүрүшүндө кылмышка шектүү 1995-жылы туулган жарандын өздүгү такталып, кармалып, тергөө кызматына жеткирилген. КР Кылмыш-процессуалдык кодексинин 96-беренесинин негизинде Бишкек ШИИБнин убактылуу кармоочу жайына киргизилген.

Мындан тышкары милицияга шектүүгө карата ушул сыяктуу кылмыштар боюнча дагы беш арыз түшкөн. Учурда келтирилген чыгым иликтенип жатат.

Кол салуучунун кылмыштуу аракеттеринен жапа чеккен жана кандайдыр бир маалыматы бар жарандар төмөнкү телефондор аркылуу байланышууну өтүнөт: 0 (312) 352-947, 0 (312) 654-494, 0 (555) 102-149, 0 (502) 149 -149, 0 (702) 494-730 жана 102.

Михаил Готфрид
Сүрөт www