Быйыл Бишкектин гүлзарларында 1,5 миллиондон ашык гүл ачылат (сүрөт)

Урматтуу жарандар! "Бишкек жашыл чарба" муниципалдык ишканасынын эмгекчил кызматкерлери бир жылдык гүлдөрдү отургуза башташты.

Дал ушул тапта "Бишкек жашыл чарба" жумушчулары агератум, сальвиянын бир нече түрүн, тагетес отургузуп жатышат.

Белгилей кетсек, быйыл борбор калаадагы гүлзарларда 1,5 миллиондон ашык жылдык гүлдөр ачылат. Май айына чейин шаардын ачык түстөрүнүн гүлдөшүн күтсө болот, жайдын башында шаарда 32 түрдөгү гүлдөр ачылат.

Борбор калаадагы гүлзарлардын дизайны гүлдөрдүн композициясына жана көркөм чечимине ылайык иштелип чыккан.

Бишкек шаардык мэриясы
Бишкек мэриясынын басма сөз кызматынын сүрөтү