Икрамжан Илмиянов в Кыргызстан все еще не вернулся

Атамбаев и его подвижники стараются ввести народ в заблуждение. Как б не старались, их ждет тюрьма

КСДП партиясынын маалымат катчысы Кундуз Жолдубаева мындан эки аптача мурда: «Икрамжан Илмиянов эч кайда качкан жок, ал зыярат кылуу үчүн кичи ажылыкка кетти. Кайра сөзсүз кайтып келет», - деген билдирүү таратканын коомчулук жакшы билет. Себеби, ошол убакта ММК беттеринде «И. Илмиянов чет өлкөлөрдүн бирине качып кетиптир» деген маалымат тараган болчу. Аны КСДП партиясы жокко чыгаргысы келген.
Негизи кичи ажылыкка сапар тарткан адамдар кайра 10 күн ичинде кайтып келип калышы керек. Ал эми И. Илмияновдун Кыргызстандан жок болуп кеткенине эки аптадан ашуун убакыт өттү. К. Жолдубаеванын айтканына караганда ал эмдигиче «сөзсүз кайтып келиши» керек эле. Бирок, али дайыны жок.
Ал эми маалымат булактары ал тууралуу жаңы жагдайларды ачыкка чыгара баштады. Тактап айтсак, бүгүнкү күндө Икрам мырза АКШда Аскарбек Шадиев менен чогуу бир батирди ижарага алышып, «түтүн булатып» атышкан экен. Демек, анын жакынкы күндөрү Кыргызстанга кайтып келиши күмөн.
Дагы бир маалымат боюнча «экс-башкы шоопурдун» Меккеде ресторан бизнеси бар экен. Аны ачууга Кыргызстандын Сауд Аравия Королдугу, Египет жана ТүштүкүАфрика Республикасындагы элчиси Абдилатиф Жумабаев кол кабыш кылган деген да кептер бар. Негизи, Араб өлкөлөрүндө бизнес ачуу үчүн жер тилкесин алуу өтө оор маселе болуп саналат. Баасы асмандын башын чапчыйт. Биздин өлкөнүн бизнесмендеринин чөнтөгү чак кылышы кыйын, мүмкүн эмес. Бирок, ал жактан ресторан ачуу бактысы Илмияновго мүмкүн болгон.
Баса, салыштыруу иретинде айта кетели, мына ушул жактан Казакстандын президентинин небереси ресторан бизнесин ачкан. Бул өлкөнүн экономикалык кубаттуулугун жакшы билебиз. Казак лидеринин да байлыгы аз эмес. Ал эми биздин өлкөнүн экономикасы кубанаарлык эмес. А. Атамбаев башкарган алты жылда тышкы карызыбыз дагы эки эсеге көбөйгөн. Анысы аз келгенсип сырттан келген кредиттер максаттуу пайдаланылбай, аз эле адамдардын чөнтөгүнө «сойлоп» кирип кеткени да ачыкка чыгууда. Мына ушундай өкөбүз өнүкпөй аткан шартта Атамбаевдин шоопуру «өнүгүп», Аравияда ресторан ачып атканына кубанабызбы же кайгырабызбы?
Эгерде бул ишке элчи А. Жумабаев да аралашкан болсо, анда ал мыйзам чегинде жооп бериши керек. Негизи эле тийиштүү органдар И. Илмияновдун Аравиядагы рестораны боюнча иликтөө башташы керек.

Икромжон,
кепколинг Меккадан. биетта журт сизни жюдя сагынып копты! Сизни депуттар раса корамыз деяпты! Смотреть охота деяпты..
Досмыныз каетта? Алиги Исроилов Уланжон? Уну ям чокырып келинг!