Дүйнө чемпионаты (U-23): Балбан Абдымалик Карачев финалга чыкты
Алтын медаль үчүн беттеште кыргыз балбаны индиялык спортчу Чираг Чираг менен кез келет
Кыргызстандын эркин күрөш боюнча улуттук курама командасынын мүчөсү Абдымалик Карачев Албаниянын Тирана шаарында өтүп жаткан дүйнө чемпионатынын финалына чыкты.
Дене тарбия жана спорт департаментинен билдиришкендей, спортчу 57 кг чейинки салмакта катышууда. Алгач 1/8 финалдык беттешт кытайлык балбанды 9:4 эсебинде жеңип чейрек финалга чыкты.
Карачев 1/4 финалдык беттеште американын балбанын 1:1 эсебинде, жарым финалдык беттеште ирандык Али Носсейин 4:3 эсебинде утуп финалга чыкты.
Алтын медаль үчүн беттеште кыргыз балбаны индиялык спортчу Чираг Чираг менен кез келет.
Бизди Телеграм каналыбыздан окуңуз