Кыргызстандын дзюдочулары АКШнын ачык чемпионатында 12 медаль жеңип алышты (фото)
КРнын курама командасы жети алтын, үч күмүш жана эки коло медаль топтоду
28-31-июлда Майамиде өткөн дзюдо боюнча АКШнын ачык чемпионатында Кыргыз курама командасы 12 медаль жеңип алды. Бул тууралуу КРнын дзюдо федерациясынан билдиришти.
«Чемпионатка жалпысынан жети кыргызстандык дзюдочу катышып, алардын айрымдары бир нече жаш категориялары боюнча күч сынашкан», — деп айтылат уюмдан. - Тактап айтканда, Акмаржан Турдажиева үч алтын, Ислам Юсуповдон эки алтын, ошондой эле Амир Сайзилдаев (+ бир күмүш медаль) менен Илгиз Золдошовдон бир алтын медаль тагынды. Мухаммедумар Кадырбеков эки күмүш, Нурмухаммед Муратов эки коло медалга ээ болушту”.
Сүрөт ФДК
Бизди Телеграм каналыбыздан окуңуз