Ататүрк паркы азыр 50 жаңы лампа менен кооздолгон
«Эгер сиздин көчөңүздө күтүлбөгөн жерден караңгы болуп калса, ишкананын авариялык-диспетчердик кызматы ар дайым сиз үчүн иштейт»
«Бишкексвет» муниципалдык ишканасы өз линиясы боюнча ишин улантууда. Ишкананын коллективи Ататүрк паркындагы лампаларды жаңыртты. Бул тууралуу борбор калаанын мэриясынын басма сөз кызматы билдирди.
Адистер 1080 метр узундуктагы траншея казып, 50 даана бетон негизин, ошончо сандагы лампаларды жана металл таянычтарды орнотушту. Натыйжада азыр 40 лампа сейил бак аллеясын жарыктандырып, ооган жоокерлеринин эстелигинин жанына 10 лампа орнотулду.
«Эгер сиздин көчөңүздө капыстан караңгы болуп калса, ишкананын авариялык-диспетчердик кызматы ар дайым сиз үчүн иштейт: (0312) 46-30-89, 57-63-51, WhatsApp: (0777) 90-21-15, кабарда айтылат..
Бишкек шаарынын мэриясынын басма сөз кызматы
Сүрөт Бишкек шаардык мэриясынын басма сөз кызматы