Билим берүү министрлиги аккредитациялоо жана лицензиялоонун автоматташтырылган системасын ишке киргизди
Башкармалык мындан ары кагаз документтерди тапшыруунун зарылдыгы жок экенин белгиледи
Кыргыз Республикасынын Билим берүү жана илим министрлиги 2022-жылдын 5-сентябрынан тарта лицензиялоону жана аккредитацияны башкаруунун автоматташтырылган тутумун (ASULA) пилоттук түрдө ишке ашырып жатат. Бул тууралуу Билим берүү жана илим министринин орун басары Надира Жусупбекова билдирди.
Анын айтымында, мурдагыдай кагаз жүзүндө министрликке тапшыруунун зарылчылыгы жок. Эми баары электрондук форматта болот.
Ал арада министрликтин аккредитация секторунун башчысы Бактыгүл Акулова бул система билим берүү уюмдарын жана программаларын аккредитациялоону санариптештирүүнүн алкагында иштелип чыкканын билдирди.
«Билим берүү уюмун ASULAда каттоо үчүн жетекчи электрондук цифралык кол тамганы колдонуу менен системага кирет, өзүн-өзү баалоо материалдарын толтурат, андан кийин автоматтык түрдө аккредитацияга арыз түзүлөт», - деп белгиледи ал. — Системадан түшкөн арыз Билим берүү жана илим министрлигине барат. Билим берүү уюмдары аккредитациядан өтүү үчүн веб-сайт аркылуу кайрыла алышат.
Билим берүү министрлиги процессти автоматташтыруу объективдүүлүктү, аккредитациялоонун ачык-айкындуулугун камсыздоого жана коррупциялык тобокелдиктерди азайтууга багытталганын кошумчалады.
Сүрөт www