Чолпон-Атада УКТнын мүчөсү баңгизат менен кармалды (видео)

Чолпон-Ата шаарында уюшкан кылмыштуу топтун мүчөсү баңгизат менен кармалды. Бул тууралуу Ысык-Көл облусунун ички иштер башкармалыгынын басма сөз кызматы билдирди.

- Милицияга уюшкан кылмыштуу топтун мүчөлөрүнүн бири баңги затын мыйзамсыз сактап жүргөнү тууралуу ыкчам маалымат келип түшкөн, - деп билдиришти укук коргоо кызматкерлери. - ОБОП кызматкерлери тарабынан жүргүзүлгөн иш-чаранын жүрүшүндө кылмышка шектүү Чолпон-Ата шаарынын көчөлөрүнүн биринен кармалды. Текшерүү учурунда андан жапайы өскөн кара куурайдын өзгөчө жыты бар өсүмдүк заты табылып, алынган. Соттук-химиялык экспертиза кармалган зат гашиш экенин, анын таза салмагы 3,006 граммды түзгөнүн көрсөткөн. Кармалган жаранга карата райондук соттун чечими менен тергөө мөөнөтүнө камакка алуу түрүндөгү баш коргоо чарасы тандалган.