Кыргызстанда электр жарыгын эки күн массалык түрдө өчүрүү күтүлөт
Анын эмне менен байланышы бар экенин энергетикалык компания түшүндүрдү
Кыргызстанда 10-11-ноябрда электр энергиясына убактылуу чектөөлөр киргизилет. Бул тууралуу маалымат жыйынында «Электр станциялары» ААКнын башкы директору Айбек Айдаралиев билдирди.
Анын айтымында, Токтогул ГЭСинде 2 гидроагрегатты оңдоо иштери аяктап, жабдуулар ишке даяр.
«Агрегат 15-ноябрда ишке кириши керек болчу, бирок электр энергиясынын тартыштыгына байланыштуу өлкө жетекчилиги бизден шашылууну сурангандыктан, эртең, 11-ноябрда агрегат ишке киргизилип, сыноодон өткөрүлөт. Бул учурда электр энергиясын колдонууга чектөө киргизүүгө туура келет», - деп түшүндүрдү ал.
Айдаралиев кошумчалагандай, ноябрь айынын аягында дагы бир ГЭСти ишке киргизүү пландалууда.
«Ушул убакта электр энергиясы да убактылуу өчүрүлүшү мүмкүн. Өлкөбүздөгү бардык тармактар бири-бири менен байланышкандыктан, чектөөлөр бардык аймактарга таасирин тийгизет», - деп жыйынтыктады ал.
Өз кезегинде «НЭСК» ААКнын жетекчисинин орун басары Асхат Бердиев электр энергиясы бир-эки сааттан ашык эмес өчүрүлөөрүн түшүндүрдү.
«Абоненттерди керектөө категориясына жараша өчүрөбүз. Бул кырсыктын алдын алуу үчүн зарыл. Технология бул технология», - деп жыйынтыктады ал.
Вероника Таранцева
Сүрөт www