Арча-Бешик конушунда 180 орундук бала бакча курулууда
Учурда сырткы жасалгалоо, аймакты көрктөндүрүү жана от казандын курулушу жүрүп жатканы маалым
Бишкек шаарынын Арча-Бешик конушунда 180 орунга ылайыкталган бала бакча курулууда.
Муниципалитеттен билдиришкендей, имараттын жалпы аянты 1 миң 889,3 чарчы метрди түзөт.
"Учурда сырткы жасалгалоо, аймакты көрктөндүрүү жана от казандын курулушу жүрүп жатат. Имаратта оюн-зоок, буфет, ашкана, уктоочу, жуунуу бөлмөлөрү, медициналык кабинет, кызматкерлердин бөлмөсү, музыкалык-гимнастикалык зал, кампалар жана техникалык жайлар жайгашкан", - деп айтылат маалыматта.
Фото www
Бизди Телеграм каналыбыздан окуңуз