Бүгүн Бишкектин борбордук көчөлөрү убактылуу жабылат
Д.Өмүрзаков атындагы стадионунда Кыргызстан — Оман футбол курама командаларынын беттеши өтөт
Бүгүн, 21-ноябрда Кыргызстан — Оман футбол курама командаларынын беттешин өткөрүүгө байланыштуу Бишкекте Д.Өмүрзаков атындагы стадиондун аймагында унаа кыймылы үчүн убактылуу чектөө киргизилет. Бул тууралуу Милициянын кайгуул кызматынан билдиришти.
Маалыматка ылайык, төмөнкү көчөлөрдө саат 14:00 до 22:00гө чейин убактылуу чектөө киргизилет:
- Тоголок Молдо көчөсү — Чүй проспектисинен Фрунзе көчөсунө чейин;
- Фрунзе көчөсү — Тоголок Молдо көчөсүнөн Панфилов көчөсүнө чейин.
Милициянын кайгуул кызматы айдоочуларды каттамды алдын ала тандоого жана мындай чараларга түшүнүү менен кароого чакырат.
Оюн саат 19:00дө башталат.
Фото www
Бизди Телеграм каналыбыздан окуңуз