Michelle кофейнясынын ээси «Ала-Арча» соода борборунун администрациясынын кысымы тууралуу билдирди
Ал президентке жана УКМКнын башчысына кайрылды
“Ала-Арча” соода борборундагы “Michelle ” кафесинин ээси Мишель Мейкин соода жана оюн-зоок борборунун жетекчилигинин мыйзам бузуулары тууралуу айтып берди. Ал өлкөнүн президентине жана УКМКнын башчысына кайрылган.
Анын айтымында, соода борборунун жетекчилиги КР экс-премьер-министри Аскарбек Шадиевден Россия Федерациясынын жараны Вячеслав Дуплищевге өткөндөн кийин соода борборунун жетекчилиги ижара акысын дээрлик үч эсеге көтөрүүнү талап кылган. Мунун артынан шантаж жана электр энергиясын өчүрүү, кызматкерлерге кысым жана финансылык жоготуулар болгон.
«Ижара акысын чарчы метрине 15 доллардан 40 долларга көтөрүү талабы жана электр жарыгын өчүрүү биз үчүн коркунучтуу түш болуп калды. Менин кофеканамдагы электрдик манипуляция мекемеге гана коркунуч келтирбестен, жергиликтүү ишкерлердин кыялдарын да жок кылат. Эмне үчүн чакан ишканалар мындай баш аламандыкка дуушар болушат?
Өзүнчө белгилеп кетейин, соода борборунун имараты экс-премьер-министр Шадиевден тартып алынып, мамлекеттин балансына өткөн. Азыр Ала-Арчынын мыйзамдуу ээси Орусиянын жараны Вячеслав Дуплищев экени абдан чоң суроолорду жаратууда. Мамлекеттин пайдасына камакка алынган мүлк эч кандай түрдө жеке колго өтө албайт. Бул факты боюнча иликтөөнү талап кылабыз! Мага бийликтегилерге жетүүгө жардам бер! Бул менин гана эмес, Кыргызстандагы чакан бизнестин келечеги үчүн күрөш», - дейт Мишель Макин.
Фото www