ЖЭБдеги аварияны жоюу үчүн Казакстан Кыргызстанга 2 миң тонна дизель майын жөнөттү
Гуманитардык жүк КР Энергетика министрлигине өткөрүлүп берилет
Бишкек ЖЭБиндеги аварияны жоюу үчүн Казакстан Кыргызстанга 2 миң тонна дизель майын жөнөттү. Бул тууралуу Казакстан Республикасынын Өзгөчө кырдаалдар министрлигинин басма сөз кызматы билдирди.
«Казакстан Республикасынын Президенти Касым-Жомарт Токаевдин тапшырмасына ылайык, Бишкек ЖЭБиндеги аварияны жоюуда Кыргыз Республикасына колдоо көрсөтүү үчүн мамлекеттик материалдык резервден дизель майы түрүндөгү 2 миң тонна гуманитардык жүк бөлүндү», - деп айтылат билдирүүдө.
28-февралда РМКнын Заря филиалынан 1000 тонна көлөмүндөгү дизелдик отундун биринчи партиясы жөнөтүлдү (17 машина). Гуманитардык жүк КР Энергетика министрлигинин өкүлдөрүнө өткөрүлүп берилет.
Фото WWW
Бизди Телеграм каналыбыздан окуңуз