Видео - Кыргызстандыктар Шереметьево аэропортунда эки күндөн бери камалып отурушат
Кыргыз Республикасынын Россия Федерациясындагы элчилиги кырдаал боюнча комментарий берди
Москвага келген кыргызстандыктар Шереметьево аэропортунда эки күн тамак-ашсыз камалып отурушат. Бул тууралуу “Азаттыкка” мигранттардын бири билдирди.
Анын айтымында, алардын бардыгынын документтери жайында болгону менен, аларды кармоонун себебин эч ким айткан эмес. Бардыгынын манжаларынын изи алынып, мазмуну белгисиз болгон кагаздарга кол коюуга мажбурланган. Алардын телефондорун да бир нече саат текшеришти.
Мигранттар эмне болуп жатканын Крокус Сити Холлдогу теракт менен байланыштырууда.
Кыргызстандын Орусиядагы элчилиги өз кезегинде бул мигранттарга Россия Федерациясына кирүүгө тыюу салынганын билдирди.
«Аларга Орусиянын аймагына кирүүгө тыюу салынганы белгилүү болду, анткени алар мурда өлкөнүн миграциялык мыйзамдарын бузган. Кийинки рейс менен Кыргызстанга жөнөтүлөт», - дешти алар.
Сүрөт: www