Ататүрк паркындагы мыйзамсыз кыймылсыз мүлктөр бузулат - Айбек Жунушалиев
198 объект боюнча чечимдер жокко чыгарылды
Ататүрк паркындагы мыйзамсыз кыймылсыз мүлктөр сүрдүрүлө турганын Бишкек шаарынын мэри Айбек Жунушалиев бүгүн маалымат жыйынында билдирди.
Анын айтымында, буга чейин кол коюлган Ататүрк паркынын чек арасын бекитүү боюнча токтомдо аткаруу бийлигинин 124 токтому жокко чыгарылган. Кеп 198 объект жөнүндө болуп жатат.
«Балким, сандар өзгөрөт. Мурда 150 объект болсо, кийин 178 болду. Акыркы маалыматтар боюнча 198. Чечим кабыл алынды. Тиешелүү органдар менен мекемелерге тапшырма берилди. Бул маселе президент Садыр Жапаров менен макулдашылды», - деди мэр.
Ал ошондой эле Бишкек мэриясы Ататүрк сейил багындагы мүлк ээлерине жерди өз ыктыяры менен муниципалдык менчикке кайтарып берүү үчүн эскертүүлөрдү тарата баштаганын кошумчалады.
Эске салсак, буга чейин Бишкек мэриясы сейил бактын аймагын аныктап, жеке менчиктеги 43 гектар жерди мамлекеттин менчигине кайтарып берерин билдирген. Ошол эле учурда мыйзамсыз объектилер сүрдүрүлүп, сейил бактын өзү иретке келтирилерин белгилешти.
Кийинчерээк турак жай комплексинин депутаты Дастан Бекешев шаар бийлиги объекттерди сүрдүрбөй турганын билдирген. Аргумент катары ал экономист Азамат Акенеевдин үйлөрдү бузуу менчик ээлеринин пайдасына компенсация төлөп улутташтыруу жолу менен гана мүмкүн деген сөздөрүн келтирген.
Мэрия түшүндүрмөсү: сейил бактын аймагын КР колдонуусундагы мыйзамдарынын алкагында мыйзамсыз курулуштардан тазалоо жөнүндө сөз болуп жатат.
Сүрөт: www