Талас облусунда чокулардын бирине Бакай атанын ысымы ыйгарылат

Мамлекеттик кызмат иштери жана жергиликтүү өз алдынча башкаруу боюнча мамлекеттик агенттиги Талас облатындагы Айтматов районунун Бакайыр айыл аймагына караштуу Кара-Сай айылынын түштүк-батыш тарабындагы тоо кыркаларынын эң бийик чокусуна Бакай Ата географиялык аталышын ыйгарууну сунуштады. Мыйзам долбоору коомдук талкууга чыгарылды.

Чоку деңиз деңгээлинен 4457 метр бийиктикте, Кара-Сай айылынын борборунан 32 км, райондун борборунан 62 км алыстыкта жайгашкан.

Маалым болгондой, мыйзам долбоору 2024-жылдын 30-майында Кыргыз Республикасынын Министрлер Кабинетине караштуу Администрациялык-аймактык түзүлүш жана географиялык аталыштар маселелерин кароо боюнча ведомстволор аралык комиссиянын жыйынында каралып, жактырылган.

Сүрөт: www