Олимпиада оюндарын көрүү үчүн фан-зоналар уюштурулду

Бишкек шаарынын мэриясы Парижде өтүп жаткан жайкы Олимпиада оюндарында биздин спортчулардын оюнун көрүү үчүн фан-зоналарды уюштурду.

Дордой Плаза соода жана оюн-зоок борборунда саат 22:00гө чейин, саат 22:00дөн кийин Чыгыш-5 кичирайонунун Арбат скверинде көрсөтүүлөр уюштурулат.
Ынтымак-2 сейил багынын амфитеатрында оюндарды түз алып көрсөтүү уюштурулат.
«Азия Молл» соода жана оюн-зоок борборунда оюндар көрсөтүлөт.
Кошумчалай кетсек, Биринчи май районунун аймагында 6-августан 11-августуна чейин Т.Усубалиев атындагы аянтка LED экран орнотулат.

Эфир күн сайын саат 21:00дөн 01:00гө чейин болуп, мелдештин бардык негизги учурларын көрүү мүмкүнчүлүгүн берет.

Урматтуу шаардыктар жана борбор калаанын меймандары! Келгиле, спортчуларыбызды чогуу колдойлу! Бул иш-чара баарыбыз үчүн унутулгус болуп, ар бир адамга чоң спорттук майрамдын бир бөлүгү катары сезүүгө мүмкүнчүлүк берет деп ишенебиз.