Биздин мушкерге жардам берген өзбекстандык машыктыруучу Ч.Айтматов медалы менен сыйланды
Мунарбектин жеке машыктыруучусу Олимпиадага келбей калып, Өзбекстандык машыктыруучу Акмал Хасанов биздин мушкерге жардам берген
Парижде өткөн Олимпиада оюндарында мушкерибиз Мунарбек Сейитбек уулуна жардам берген өзбекстандык машыктыруучу Акмал Хасановго Чыңгыз Айтматов атындагы медаль тапшырылды. Бул тууралуу коомдук ишмер, Ысык-Көл форумунун башкы катчысы Ассоль Молдокматова билдирди.
Ал Акмал Хасановго гуманизми, гумандуулугу жана жогорку деңгээлдеги элдик дипломатия үчүн ыраазычылык билдирип, Кыргызстанга келип кетүүгө чакырды.
Эскерте кетсек, Мунарбектин жеке машыктыруучусу Олимпиадага келбей калып, Өзбекстандык машыктыруучу Акмал Хасанов биздин мушкерге жардам берген.
Мунарбек Сейитбек уулу Париждеги Олимпиадада жарым финалга өтүп, Кыргызстанга алгачкы медалды алып келди. Анын финалга чыгуу үчүн күрөшү 8-августта өтөт.