Кыргыз тилиндеги “Амантай жана Айтуяк” мультсериалы жакында тартууланат
Мультсериалдын сценарийинин автору Токтобек Үсөнов, ал эми койгон режиссеру Айбек Дайырбеков
“Кыргызфильм” киностудиясы менен “Карек” фонду кыргыз тилинде “Амантай жана Айтуяк” аттуу жаңы мультсериалын тартуулайт. Бул тууралуу “Кыргызфильм” киностудиясынын социалдык баракчасында жарыяланды.
Мультсериалдын сценарийинин автору Токтобек Үсөнов, ал эми койгон режиссеру Айбек Дайырбеков. Тасма кыргыз тилин өнүктүрүү багытында, балдарга арналган кыргыз тилиндеги атайын анимациялык фильм. Анда Амантай менен асмандан түшкөн Айтуяк экөөнүн кызыктуу окуялары баяндалат. Тасма 7 серия экени буга чейин айтылган.
“Дүйнөлүк ар башка тилдеги балдар контентинин таасиринен чыга албай, балдарыбыз чет тилде сүйлөп, бул улуттук көйгөйгө айланып турганда, мультсериал наристе балдарды кыргыз тилинде сүйлөөгө кызыктырып, нукура кыргыз көз карашында, менталитетинде тарбия берүүгө аракет кылат”,- деп айтылат маалыматта.