Кыргызстанда коргонуу үчүн банкттарга антифрод системасын киргизүү пландалууда

Кыргызстандын Улуттук банкы коммерциялык банктарга туруктуулукту жогорулатуу жана кардарларды коргоого багытталган антифрод системасын киргизүү мүмкүнчүлүгүн кароодо.

Финансылык жөнгө салуу органынан билдиришкендей, демилге коомдук талкууга коюлууда.

Документке ылайык, алдамчылык тобокелдиктери ар түрдүү жана татаал болуп бараткан заманбап финансылык ландшафтта банк операцияларынын коопсуздугун камсыз кылуу өзгөчө мааниге ээ.

Алдамчылыкка каршы системаларды жана банктык эсептерди тез арада жабуу чараларын киргизүү керектөөчүлөрдүн укуктарын коргоого да, бүтүндөй финансы системасынын туруктуулугун камсыздоого да тиешелүү бир катар негизги факторлор менен шартталган.

Антифрод системаларды жана эсептерди ыкчам блокко коюу боюнча чараларды киргизүү төмөнкүдөй маселелерди чечет:

алдамчылыктын өсүшү;
керектөөчүлөрдү коргоо;
банк системасына ишеним;
реакциянын ыкчамдыгы.