Транспорт министрлиги: Ашууларда жол ачык, чектөө жок
Жол тейлөө ишканалары тарабынан жол тазалоого керектүү техникалардын даярдыгына көзөмөл жүрүзүлүүдө
Кечээ саат 18:00гө карата өлкө аймагындагы ашууларда жол ачык, чектөөлөр алынды. Бул тууралуу Транспорт жана коммуникациялар министрлигинен билдиришти.
Атап айтканда:
- Бишкек – Ош унаа жолундагы Төө-Ашуу, Ала-Бел, Көк-Бел ашууларында чектөөлөр жок, жол ачык, каттамдар улантылууда;
- Тараз – Талас – Суусамыр автомобиль жолундагы Өтмөк ашуусундагы оор жүк ташуучу унааларга коюлган чектөө алынды.
- Бишкек – Нарын – Торугарт автомобиль жолундагы Долон, Кызыл-Бел жана Ат-Башы районундагы Ак-Бейит, Түз-Бел, Торугарт ашууларындагы жолдордо каттам улантылды.
"Жол тейлөө ишканалары тарабынан жол тазалоого керектүү техникалар жана инерттик материалдардын даярдыгына көзөмөл жүрүзүлүүдө", - деп айтылат маалыматта.
Бизди Телеграм каналыбыздан окуңуз