Транспорт министрлиги ашуулардагы абал тууралуу маалымат берди
Ош – Сары-Таш – Эркечтам жолунун Талдык жана Тоң-Мурун ашууларында жол ачык, каттам бар
Төө-Ашууда кар жаап жатат. Буга чейин Сосновка постунда оор жүк ташуучу унааларга киргизилген убактылуу чектөө алына элек.
Транспорт жана коммуникация министрлигинен билдиришкендей, аймакты караган №9 Жол тейлөө ишканасы тарабынан тазалоо, инерттик материалдарды чачуу иштери жүргүзүлүүдө. Каттам бар.
Ушундай эле жумуштар Өтмөк жана Ала-Бел ашууларында аткарылып жатат. Жол ачык.
Ошондой эле Бишкек – Нарын – Торугарт унаа жолунун Долон, Кызыл-Бел ашууларында да кум чачуу иштери жүрүп жүрүүдө. Каттам бар.
Ош – Сары-Таш – Эркечтам жолунун Талдык жана Тоң-Мурун ашууларында жол ачык, каттам бар. Аймакты караган №960 Жол тейлөө ишканасынын кызматкерлери тарабынан жол тазалоо иштери аткарылууда. Азыркы тапта кардын калыңдыгы 15-20 см жетти.
Транспорт министрлиги айдоочуларды кандай кырдаал жаралбасын каршы тилкеге чыкпай, жол эрежесин так сактоого жана унаа дөңгөлөктөрүн кышкыга алмаштырып алууга чакырат.