Мамлекеттик катчы "Ата-Бейит" тарыхый-мемориалдык комплексине гүлчамбар койду

Мамлекеттик катчы Сүйүнбек Касмамбетов бүгүн Тарых жана ата-бабаларды эскерүү күнү “Ата-Бейит” улуттук тарыхый-мемориалдык комплексине барды.

Мамлекеттик катчы Сүйүнбек Касмамбетовду президенттин Чүй облусундагы өкүлү Канат Жумагазиев, Бишкек шаарынын мэри Айбек Жунушалиев, Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктигинин директору Кудайберген Базарбаев жана башкалар коштоп жүрүштү.

Иш-чаранын катышуучулары 1916-жылдагы трагедиялуу окуялардын жүрүшүндө курман болгондордун элесине арналган мемориалга, саясий репрессиянын курмандыктарына арналган эстеликке жана жазуучу Чыңгыз Айтматовдун бейитине гүл коюшту.

Алардын элесине багышталып куран окулду.