Кыргызстанда бүгүнтөн тарта мобилдик банкинг аркылуу акча которууларга комиссия алынбайт
Бул тууралуу Улуттук банктан билдиришти
Кыргызстанда 25-ноябрдан тарта мобилдик банкинг аркылуу акча которууларга комиссия алынбайт. Бул тууралуу Улуттук банктан билдиришти.
Маалыматка ылайык, комиссиядан бошотуу 2024-жылдын 25-ноябрынан 2025-жылдын 31-декабрына чейин күчүндө болот.
- Комиссия алууга тыюу салуу жеке адамдар тарабынан банктардын жана төлөм уюмдарынын мобилдик тиркемелери, ошондой эле интернет-банкинг аркылуу жүргүзүлгөн которууларга тиешелүү.
- Төлөм терминалдары аркылуу жүргүзүлгөн төлөмдөргө комиссия алууга тыюу салуу жайылбайт.
- Комиссия алууга тыюу салуу Кыргызстандын ичинде сом менен акча которууларга, анын ичинде Кыргызстандын коммерциялык банктары тарабынан чыгарылган эл аралык төлөм системаларынын банктык төлөм карталарына которууларга да тиешелүү.
- Комиссия алууга тыюу салуу улуттук валютадагы акча которууларга гана тиешелүү. Чет элдик валютадагы акча которууларга жайылбайт.