Ысык-Көл облусунда күндүзгү стационарларда иштегенге дарыгерлер жетишсиз болууда
Ысык-Көл районунун акими аймакка жардам берүүнү суранды
Ысык-Көл районунун акими Данияр Иманалиев күндүзгү стационарларда дарыгерлер жетишсиз болуп жатканын Фейсбук социалдык тармагындагы баракчасына жазды.
Анын айтымында Ысык-Көл районунун ооруканасында, санаторийде жана Ананьево айылындагы күндүзгү стационарда 491 орундуу күндүзгү стационарлар ачылган. Бирок, дарыгерлер өтө жетишсиз болууда.
- Биз жардам сурайбыз, - деп жазган райондун акими Фейсбукка. - Райондун жашоочулары дарыгерлерди, акыркы курстун студенттерин жана ыктыярчыларды биздин стационарларда күтөт. Тамак-ашы, жашап-турганы бекер болот, эмгек акы төлөнөт.
Ысык-Көл районуна жардам берүүнү каалагандар 0(705) 863399 телефонуна байланышса болот (Таалай).
Фото www
Бизди Телеграм каналыбыздан окуңуз