Кыргызстанда дагы бир эл аралык аэропорт пайда болот

"Манас" эл аралык аэропорту "ААКтын жетекчилиги жаңы өнөктөштөрдү жана инвестицияларды тартуу менен Кыргызстандагы эл аралык жана региондук аэропорттордун инфраструктурасын өнүктүрүү боюнча жигердүү иш алып барууда. Бул багытта “МАМ” ААК менен Жалал-Абад облусундагы алтын кенин иштетип жаткан “Эти Бакыр Терексай” ЖЧКнын акционерлеринин ортосунда алгачкы ийгиликтүү сүйлөшүүлөр жүргүзүлдү. Сүйлөшүүлөрдүн натыйжасында түркиялык инвесторлор тарабынан “Кербен” аймактык аэропортун реконструкциялоо жана кеңейтүү ниети болгон. Инфраструктурасы жаңыланган соң, Кербен аэропорту жүргүнчүлөрдүн каттамы үчүн жагымдуу болуп калат.

Учурда кызматташтыктын деталдары талкууланып жатат, анда "Эти Бакыр Терексай" ЖЧКсы Кербен аэропортун менчик формасын өзгөртүү укугусуз өз ара пайдалуу шарттарда модернизациялоого түз инвестицияларды салууну пландаштырууда. Ушул кызматташуунун натыйжасында Кербен аэропорту ICAO эл аралык стандарттарына жооп берген жасалма учуп-конуу тилкесин алат. Реконструкцияланган аэропорт эл аралык аэропорт статусун алууга арыз бере алат.

Бул кызматташтыкты жүзөгө ашыруу ири чет элдик инвестор менен түздөн-түз кызматташуунун ачык-айкын мисалы болуп, региондор ортосунда тез жүрүү үчүн кошумча мүмкүнчүлүктөрдү түзөт.

Маалымат үчүн:

Эти Бакир Терексай - бул "Кыргызалтын" (25%) менен түркиялык "Эти Бакир" (75%) компаниясынын биргелешкен ишканасы. 2015-жылы түрк инвесторлору Терек, Тереккан жана Перевальное алтын кендерин иштетүү боюнча тендерди жеңип алышып, үч кенди иштетүү укугу үчүн 20 миллион доллар төлөп беришти.

Инвестор белгилүү Cengiz Holding конгломератына кирген ири түрк компаниясы Eti Bakir A.S. Акыркысы, энергетика, тоо-кен казып алуу, курулуш, туризм жана башка көптөгөн тармактарда иш алып барган компаниялардын каржы-өнөр жай тобу.

Eti Bakir A.S - Түркиядагы эң ири тоо-кен компаниясы жана жеке менчик жез өндүрүүчү. Компания ири жез кендери Кастамон Куре жана Артвин Мургулда иштейт, кендерди иштетет, концентрациялоо фабрикаларын иштетет, Самсундагы эритүү жана электролиз заводдорун иштетет, катод жезин жана күкүрт кислотасын өндүрөт.

Компания ошондой эле Түркиядагы эң ири жез өндүрүүчүлөрдүн бири болуп саналат жана өлкөнүн жалпы суроо-талабынын 8-9% дан ашыгын камсыз кылат. Мындан тышкары, Eti Bakir A.S түрк рыногунда болжол менен 30% электр энергиясын өндүрөт.

"МАМ" АКнын пресс кызматы
сүрөт www