Ысык-Көлдөгү спорттук машыгуу учурунда бала сабалган. Кабинет бул ишти өзгөчө көзөмөлгө алды
Марипов тергөөнүн алкагында Маданият министрлигинин жана Билим берүү министрлигинин жооптуу кызматкерлеринин аракеттерине укуктук баа берүүнү тапшырды
Ысык-Көл облусундагы спорттук машыгуу учурунда 9 жашар баланын сабалышына тийиштүү окуя Кыргыз Республикасынын Министрлер Кабинетинин Төрагасы Улукбек Мариповдун өзгөчө көзөмөлүндө турат.
Министрлер Кабинетинин Төрагасы иштин бардык жагдайлары жөнүндө маалымат берүүнү жана иликтөө алкагында балага карай зомбулукка жол берген жактардын аракеттерине гана эмес, кызматтык милдетине толеранттуулук, сабырдуулук жана диний маданият боюнча профилактикалык иш-чараларды өткөрүү маселеси кирген Кыргыз Республикасынын Маданият, маалымат, спорт жана жаштар саясаты министрлигинин жана Кыргыз Республикасынын Билим берүү жана илим министрлигинин кызматтык жактарынын аракеттерине (аракетсиздик) карай да укуктук баа берүүнү тапшырды.
Ошондой эле Министрлер Кабинетинин Төрагасы Кыргыз Республикасынын Балдар укугу боюнча ыйгарым укуктуу өкүлү Жыпариса Рысбековага мындай окуяларга жол бербөө боюнча чараларды күчтөндүрүүнү сунуштады.
Белгилесек, тогуз жашар бала Ысык-Көл облусундагы дзюдо боюнча секциянын машыгуулары учурунда курдаштары тарабынан сабалган.
Сот-медициналык экспертизанын жыйынтыгы боюнча жабырлануучунун ден-соолугуна жеңил түрдөгү зыян келтирилген, натыйжада ден-соолугу жабыркап, кыска мөөнөткө эмгекке жөндөмдүүлүгүн жоготкон.
Кабминдин мааалымат кызматы
Фото www