Сузакта 66 адам тойго барып ууланышкан

Сузакта массалык уулануу болду. Бул тууралуу Vesti.kg сайтына Саламаттыкты сактоо жана социалдык өнүктүрүү министрлигинин басма сөз кызматынан билдиришти.

- Биринчи оорулуулар 11 -октябрда Сузак районунун Жалпы медициналык практика борборуна кайрылышкан, - деп билдиришти Саламаттыкты сактоо министрлигинен. - Жалпысынан 66 адам кайрылган, алтоо ооруканага жаткырылган. Алардын үчөө балдар.

Департамент учурда уулангандардын абалы канааттандырарлык экенин белгиледи.

- Оорулуулардын көп болгонуна байланыштуу, биз кыдырып кароону чечтик, - деп белгиледи КРнын Саламаттыкты сактоо министрлигинин басма сөз кызматы. - Биз бул айылдын 69 үйүнө барып, 300дөн ашык тургундардан текшерүү жүргүздүк.

Алдын ала диагноз тамактан уулануу экени белгиленди. Болжолдуу түрдө эттен уулануу. Лабораториялык изилдөө жүргүзүлүүдө.

Сүрөт www