Баткен шаарынын вице-мэри: Түнкүсүн спирт ичимдиктерин сатууга тыюу салууну тургундар өздөрү суранышты

Баткен шаарынын вице-мэри Мансурбек Маматисаев шаар ичинде саат 21.00дөн 09.00гө чейин спирт ичимдиктерин сатууга тыюу салынганы боюнча Vesti.kg сайтына комментарий берди.

Анын айтымында, түн ичинде алкоголдук ичимдиктерди сатууга тыюу салуу өтүнүчү менен Баткен шаарынын тургундары өздөрү кайрылышкан.

«Жергиликтүү тургундар кечинде жана түнкүсүн спирт ичимдиктерин сатууга убактылуу тыюу салууну суранышты», - деп түшүндүрдү Маматисаев. - Акыркы убакта майда бейбаштык фактылары көбөйүп кетти. Тыюу Баткен шаарынын аймагында гана күчүндө.

Мындан тышкары муниципалдык чиновник «кургак мыйзам» келерки жылга чейин иштей турганын кошумчалады.

- Чектөөлөр кайсы чекке чейин киргизилээрин азырынча чече элекпиз. Келерки жылдын жаз айларына чейин болсо керек, - деп сунуштады Маматисаев.

Түшүндүрө кетсек, Баткендин алдында саат 21.00дөн 09.00гө чейин алкоголдук ичимдиктерди сатууга тыюу салуу чечими кабыл алынган.

Элдос Казыбеков
Сүрөт www