Бала түн ортосунда ажатканага кирип, үйдөгү ууруларды байкаган. Лебединовкада бир үй-бүлөгө кол салуу болду (видео)

5-ноябрь күнү Аламүдүн районунун ички иштер башкармалыгынын нөөмөт бөлүмүнө Лебединовка айылында тоноо фактысы боюнча билдирүү түшкөн.

Келгенден кийин тергөө-ыкчам тобу белгисиз адамдар жеке менчик эки кабаттуу үйдө жашаган үй-бүлөгө каракчылык кылганын аныкташкан. Үй-бүлө бештен ашык кишиден турат.

Алдын ала маалыматтар боюнча (жабырлануучулардын айтымында) 5-ноябрь күнү саат 04:20 чамасында үй ээсинин уулдарынын бири дааратканага барууну чечкен. Ал уктоочу бөлмөнүн эшигин ачканда тепкичтин жанында бир нече адамдын караанын байкаган. Бала жакынкы бөлмөдө уктап жаткан атасын дароо ойготууга аракет кылган. Бул учурда белгисиз бирөөлөр белгисиз куралдан баланы көздөй эки жолу ок чыгарып, андан соң алар качып кетишкен.

Аталган факты Аламүдүн РИИБнын КЖБРге КР Кылмыш-жаза кодексинин 202 (Каракчылык) беренеси боюнча катталып, кылмыш иши козголгон.

Окуя болгон жерди кароо учурунда уурулар ашкананын терезеси аркылуу үйгө киришкени аныкталган.

Чүй облусунун милициясы кылмышкерлердин кыймылынын маршруттарын иликтеп, көзөмөл камералары, анын ичинде «Коопсуз шаар» камералары изилденген. Аткарылган иштердин натыйжасында унаага отуруп качып кетишкен.

Чүй облусунун ШИИБнын жана Аламүдүн райондук ОВДнын кызматкерлеринин кесипкөй ишинин аркасында бир нече күндүн ичинде бардык шектүүлөр кармалды. Алардын баары райондук ички иштер бөлүмүнө жеткирилген. Кармалгандар Чүй облусунун тургундары 1972-жылы туулган М.Э , 1974-жылы туулган И.Р., 1995-жылы туулган А.Ф., 1997-жылы туулган Ш.В. болгон.

 1972-жылы туулган М.Э.аттуу жаранды кармоо учурунда  Бишкектин көчөлөрүнүн биринде анын унаасынан кара күрөң түстөгү катуу зат (кара куурай жыты бар) табылган. Ошондой эле, жогорудагы жарандын жашаган жеринен кошумча текшерүүнүн жүрүшүндө кол кап, бет кап жана башка буюмдар табылып, алынган.

Аламүдүн районунун Пригородное айылынын тургуну И.Р.нын дагы бир шериги үйүндө тинтүү учурунда курал-жарак, бычак, беткап жана башка буюмдар болгон. АКС автоматынын негизиндеги куралдар (конверттелген), мылтык, газ тапанчасы, факелдик револьвер, 4 түрдүү бычак, 3 бет маска, 60тан ашык диний китептер жана баракчалар, парик ж.б богон.

Ошондой эле, мындан аркы тергөө-ыкчам иш-чараларынын алкагында жогоруда аталган адамдар үстүбүздөгү жылдын 26-августунда Лебединовка айылында ушул сыяктуу дагы бир каракчылык фактысына катыштыгы бар экендиги аныкталгандыгын билдиребиз.

Ошондой эле эртең менен бир үй-бүлөнү толугу менен карактоо болгон. Үйдүн ээси Т.Б. аттуу жаранды кылмышкерлер  скоч менен байлап салышкан . Белгисиз курал менен коркутуп, акча талап кылып, бирок кийин үйдүн короосунан Хонда СВР үлгүсүндөгү унаасын уурдап качып кетишкен. Кийинчерээк унаа Бишкектен табылган.

Фото www