Оштогу жол кырсыгынан жети адам каза болду
Окуя болгон жерге ӨКМ башчысынын орун басары барды
Бишкек-Ош унаа жолунун Кара-Суу районундагы 661-чакырымында КамАЗ, Mercedes-Benz Sprinter жана Daewoo Nexia үлгүсүндөгү унаалардын катышуусунда жол кырсыгы катталды. Бул тууралуу Vesti.kg сайтына Өзгөчө кырдаалдар министрлигинин басма сөз кызматы билдирди.
«Алдын ала маалыматтар боюнча, кырсыктан 7 адам (3 эркек, 4 аял) каза болуп, 6 адам Ош облустук ооруканасынын жандандыруу бөлүмүнө, 3 бала балдар ооруканасына жаткырылды (аты-жөнү такталууда. ), - деп билдирди министрлик.
Окуя болгон жерге Кара-Суу районунун 3 куткаруучусу тартылган.
Учурда кырсык болгон жерде Өзгөчө кырдаалдар министринин орун басары Акылбек Мазарипов, ошондой эле ӨКМдин Ош облустук башкармалыгынын башчысы Нурдин Шаматов иш алып барууда.
сүрөт www