Бишкектиктерди айыл чарба жарманкелеринде күтүшөт. Ал жакта баалар кандай?

Ушул дем алыш күндөрү Бишкекте социалдык маанидеги азык-түлүктөрдү сатуу боюнча салттуу айыл чарба жарманкелери өтөт.

Жарманкелер шаардын эки районунда өткөрүлөт:

- Октябрь районунда А.Токомбаев жана Н.Жетикашаева көчөлөрүнүн кесилишинде, 12-кичирайондо сатып алуучулар күтүлөт;

-Биринчи Май районунда түрдүү товарлар менен көз жоосун алган жарманке Раззаков көчөсүн бойлой, Киев-Токтогул көчөлөрүнүн ортосунда ачылат.

Уюштуруучулар - борбор калаа муниципалитети жана Кыргыз Республикасынын Айыл, суу чарба жана региондук өнүктүрүү министрлиги.

Жарманкеге 365ке жакын ата мекендик өндүрүшчүлөр жана фермерлер катышты, анын 172си Октябрь районунда, 193ү Биринчи Май районунда болду. Бул жарманкелерге буга чейин 6780ге жакын шаардыктар келген.

Бишкек мэриясынын муниципалдык башкармалыктарынын адистери тарабынан сунушталган товарлардын баасы боюнча жума сайын мониторинг жүргүзүлүүдө.

Алсак, 1-сорттогу ундун 1 килограммы 29 сомдон, таңгакталган 1-сорттогу ун 40 сомдон, күн карама майы 135 сомдон, козу эти 400-450 сомдон, уй эти 420-450 сомдон, жумуртка 10 даанасы 80 сомдон башталат. , жергиликтүү алма 20 сомдон, сабиз 20 сомдон, картошка 34 сомдон, пияздын килограммы 15 сомдон.

Мэрия шаар тургундарын жарманкелерге барып, жашылча-жемиштерди, сүт жана эт азыктарын сатып алууга чакырат. Сиздер үчүн бир гана экологиялык жактан таза жана жаңы айыл чарба продукциялары!

Бишкек шаарынын мэриясы
Сүрөт www