БЧКда дайынсыз жоголгон 69 жаштагы аялдын жансыз денеси табылды
Сөөк туугандарына өткөрүлүп берилди
Бир күн мурун БЧКдан мурда дайынсыз болуп жаткан 69 жаштагы аялдын жансыз денеси табылган. Бул тууралуу Өзгөчө кырдаалдар министрлигинин басма сөз кызматы билдирди.
Маалым болгондой, 23-январь күнү Аламүдүн районундагы «Мурас-Ордо» турак жай массивинин тургуну 69 жаштагы А.А., үйүнөн чыгып кетип, дайынсыз болуп кеткен.
24-январда Калыс-Ордо конушундагы айланма жолдогу БЧК көпүрөсүнүн астынан дайынсыз жоголгон жарандын жеке буюмдары табылган. Ошол күндөн бери издөө иштери жүрүп, бирок натыйжа болгон эмес.
Белгиленгендей, бир күн мурун издөө иштеринин натыйжасында аялдын жансыз денеси табылган.
Куткаруучулар аны суудан чыгарышып, туугандарына өткөрүп беришкен.
Сүрөт www
Бизди Телеграм каналыбыздан окуңуз