Menu
RSS

Биз социалдык тармактардабыз:

TwitterFacebookYoutubeInstagramTelegram

Кыргызстандык спортчулар күрөш боюнча Азия чемпионатында 14 медаль утуп алышты

Улан-Батордогу мелдештер аяктады

Кыргызстандык балбан Эрназар Акматалиев Монголияда өткөн күрөш боюнча Азия чемпионатында күмүш байге ээси болду. Бул тууралуу Бириккен күрөш дүйнөсүнүн сайтында маалымдалды.

Спортчу 70 килограммга чейинки салмакта күч сынашкан.

Чейрек финалда кыргызстандык индиялык балбан менен беттешип, 6:3 эсебинде жеңишке жетти. Жарым финалда Монголиянын спортчусун 12:6 эсебинде жеңип алды. Финалдык беттеште Акматалиев япониялык балбанга 3:4 эсебинде жеңилип калды.

Мындан тышкары дагы эки ата мекендик спортчу коло медалга ээ болушту.

Ошентип, 61 килограммга чейинки салмак ченинде күч сынашкан Улукбек Жолдошбеков Индиядан келген балбанды 6:4 эсебинде жеңип алды. 74 килограммга чейинки салмак ченинде чыккан Ислам Орозбеков өзбекстандык спортчуну 11:0 эсебинде утуп алды.

Улан-Батор шаарында күрөш боюнча Азия чемпионаты аяктады. Кыргызстандык балбандар жалпысынан 14 медаль жеңип алышты: 4 алтын, 3 күмүш жана 7 коло.

Сүрөт www

Бизди Телеграм каналыбыздан окуңуз
Наверх