Москвага иштеп, акча табууга барган үч кыргызстандык мекендештерин тоноп жүрүшкөн
Алар бычак менен коркутуп, Кыргыз Республикасынын эки жаранын тоноп кетишкен
Москвада мекендештерине куралдуу кол салууга катышкан кыргызстандыктар кармалды.
КР Ички иштер министрлигинин маалыматына караганда, бир нече күн мурун милицияга Кыргызстандын 24 жана 26 жаштагы жарандары кайрылган. Алар түнкү саат 01.30дар чамасында алардын үйлөрүнө КР жарандары болгон белгисиз адамдар киришкенин билдиришкен. Аларды бычак менен коркутуп, кылмышкерлер кыздардын кымбат баалуу телефондорун, акчасын жана зер буюмдарын алып кетишкен.
Бул фактынын негизинде Кылмыш-жаза кодексинин 3-бөлүмү менен кылмыш иши козголгон. Россия Федерациясынын Кылмыш-жаза кодексинин 162-беренеси (Үйгө мыйзамсыз кирүү менен ири өлчөмдө жасалган тоноо).
Шектүүлөрдүн өздүгү такталып, кармалган. Алар Москвага иштегени келген Кыргызстандын жарандары болуп чыкты:
- 21 жаштагы Р.Р., Баткен облусунун тургуну;
- Ош облусунун Кара-Кулжа районунун тургуну 28 жаштагы К.Н.;
- Ош облусунун Кара-Суу районунун тургуну 28 жаштагы Ж.Б.
Алардын башка кылмыштарга тиешеси такталууда.
Сүрөт Ички иштер министрлигинин басма сөз кызматы