Сузакта "Портер" 29 баланы сүзүп кетти, 7 мектеп окуучусу реанимацияда - видео
Окуя «Манас» эпосун массалык түрдө аткаруу учурунда болду
Сузак районунда жүк ташуучу унаа Портер 29 баланы сүзүп кетти.
Окуя “Манас” эпосун массалык түрдө көрсөтүү учурунда болду.
Саламаттыкты сактоо министрлигинин маалыматы боюнча, 18 бала ооруканага жаткырылды, алардын жетөө реанимацияда, үчөөнүн абалы оор. Дагы 11 адам амбулатордук дарыланууга чыгарылды. Жабыркаган балдар 9-16 жашта.
Алдын ала маалыматтарга караганда, айдоочу балмуздак ташуучу унааны дөңсөө жерге коюп кетип, унаа өзү жүрүп кеткен.
Сүрөт: www
Бизди Телеграм каналыбыздан окуңуз