Жалал-Абадда эркек киши 4 жашар кызды көчөдөн зордуктап салган

Жалал-Абадда 4 жашар кызды зордуктаган деген шек менен 35 жаштагы жаран кармалды. Редакциялык маалыматты облустук ички иштер башкармалыгынан тастыкташты.

Ведомстводон билдиришкендей, окуя 24-июнда Спутник кичи районунда болгон. Саат 18:30дар чамасында милицияга көп кабаттуу үйдүн короосунда белгисиз адам жаш кызды зордуктаганы тууралуу маалымат түшкөн.

Окуя болгон жерге ыкчам тергөө тобу барып, буюм далилдери алынган.

Аталган факты боюнча КРнын Кылмыш-жаза кодексинин 154-беренеси («Зордуктоо») менен кылмыш иши козголуп, соттук-медициналык жана соттук-биологиялык экспертизалар дайындалды.

Кылмышка шектүү катары 35 жаштагы Б.Х. кармалды, соттун чечими менен эки айга камакка алынды. Учурда тергөө иштери уланууда.

Сүрөт: www