Камчыбек Ташиев ага коркутуу катын алып келген адам табылганын айтты
Камералар аркылуу милиция кызматкерлери менен УКМКнын кызматкерлери карап, аны табышкан
УКМК төрагасы Камчыбек Ташиев Сузактагы жаңы милиция башкармалыгынын ачылыш аземинде ага коркутуу катын таштап кеткен адам табылганын айтты.
Анда Ташиев ага коркутуу катын таштап кеткен адам адамды жүзүнөн таануучу камералардын жардамы менен табылганын айтты.
"Ушул камералар аркылуу милиция кызматкерлери менен УКМКнын кызматкерлери карап, аны табышкан. Анын бардык аракеттерин мүнөт сайын көрүп турушту", - деди ал.
Буга чейин Ташиев белгисиз адам пакетти таштап кеткенин, анын ичинде флешкасы бар конверт бар экенин билдирген. Анда Ташиевге коркутуулар менен жазылган кат болгон.
Бизди Телеграм каналыбыздан окуңуз