Бишкекте полиция кызматкерлерине кол салуу болду. Алар ок чыгарууга аргасыз болушкан
Окуя болгон жерди текшерүү учурунда үч патрон табылган
Бишкекте кечээ, 4-ноябрдан 5-ноябрга чейин белгисиз адамдар милиция кызматкерлерине кол салышты. Бул тууралуу Vesti.kg сайтына шаардык ички иштер башкармалыгынын басма сөз кызматы билдирди.
Белгилүү болгондой, Толстой жана Садырбаев көчөлөрүнүн кесилишиндеги милиция кызматкерлери авариялык абалды жаратып, жол эрежесин одоно бузган айдоочуну токтотууга аракет кылышкан. Бирок агрессивдүү айдоочу укук коргоо органдарынын кызматкерлеринин талабына баш ийген жок.
Тартип бузуучуну токтоткондо анын жанында 10-15 чакты адам болгон, алар полиция менен урушуп мушташкан натыйжада эскертүүчү ок атылган.
Тартип сакчылары жарандарды кармоого үлгүрүштү - алар кийинки иликтөө иштери үчүн Ленин райондук ички иштер башкармалыгына жеткирилди.
Мындан тышкары, текшерүү учурунда үч октун кабыгы, манжалардын издери табылып алынды, Daewoo Nexia унаасы айып жайга киргизилди.
"Бул факт Ленин райондук ички иштер башкармалыгынын КЖБРге катталып, Кыргыз Республикасынын Кылмыш-жаза кодексинин 266-беренеси (Бейбаштык) боюнча сотко чейинки иликтөө иши башталды, соттук-медициналык экспертизалар дайындалды", - дешти укук коргоо органдарынын кызматкерлери.
Элдос Казыбеков
Сүрөт www
