"Каржы полициясы" Опера жана балет театрынын экс-директорун кармашты
Ал атайылап пайдасыз келишим түзүп, натыйжада мамлекеттик бюджетке 1 миллион сомдон ашык зыян келтирилген
(Каржы полициясы) кызматкерлери Кыргыз Улуттук академиялык опера жана балет театрынын мурунку башкы директорун А. Малдыбаевди кармашты. Ага кызмат абалынан кыянаттык менен пайдалануу фактысы боюнча иш козголгон.Аталган мамлекеттик мекеменин мурунку директору кызматтык абалынан кыянаттык менен пайдаланып, мамлекеттин кызыкчылыгына, ошондой эле маданияттын жана искусствонун кызыкчылыктарына каршы келип, атайылап жагымсыз келишим түзүп, натыйжада мамлекеттик бюджетке өзгөчө ири өлчөмдө 1 миллион сомдон ашык зыян келтирилгендиги аныкталды.
Бүгүн, 19-ноябрда Бишкек шаарынын Биринчи Май райондук соту кармалган жарандын баш коргоо чарасын карайт.
ЭКККМКтин басма сөз кызматы
сүрөт www