"Финпол": Мамлекет аралык издөөдө жүргөн чет өлкөлүк жаранга КРнын паспорту мыйзамсыз берилген
Ал Өзбекстандын конституциялык түзүлүшүн бузгандыгы үчүн издөөдө жүргөн
Экономикалык кылмыштарга каршы күрөшүү мамлекеттик кызматынын (Финансы полициясы) Ош облусунун Кара-Суу, Алай жана Чоң-Алай райондорунун кызматкерлери документтерди кабыл алуу учурунда мамлекеттер аралык издөөдө жүргөн чет элдик жаранга паспорт мыйзамсыз берилген фактыны аныкташты.
2018-жылы Өзбекстандын жараны Хомидов Нематжон Сомиевичке Кара-Суу шаарында жашап турууга уруксаты бар Кыргыз Республикасынын жаранынын паспорту берилгендиги аныкталды. Бирок, тиешелүү иш-чаралардын жүрүшүндө, паспорт алган учурда, көрсөтүлгөн чет элдик жаран чет өлкөдө болуп, 7 жылдан бери өлкө аймагына кирбей жүргөнү белгилүү болду. Мындан тышкары, Ички иштер министрлигинин маалыматы боюнча, ал мамлекеттер аралык издөөдө жана Өзбекстан Республикасынын Кылмыш-жаза кодексинин 159-беренесинин 3-бөлүгүнүн А пункту (Өзбекстан Республикасынын конституциялык түзүлүшүнө кол салуу) менен соттолгон, анын баш коргоо чарасы камакка алуу болуп саналат.
Бул факт КЖБРде Кыргыз Республикасынын Кылмыш-жаза кодексинин 330-беренеси (паспортту мыйзамсыз берүү) менен катталган.
Учурда бул иш боюнча тергөө амалдары жүргүзүлүп, паспортторду мыйзамсыз берген ушул сыяктуу фактылар аныкталууда.
КР нын ЭКККМКнын басма сөз кызматы
сүрөт www