Кармалган күзөт кызматкеринин туугандары шылуундарга УКМКнын өкүлдөрү деп алдашып, 180 миң доллар которушкан (сүрөт)

2020-жылдын октябрь айынан ушул күнгө чейин УКМК мамлекеттик органдардагы коррупцияга байланыштуу кылмыштарды аныктоого, алдын алууга жана бөгөт коюуга багытталган иш-чаралардын кеңири комплексин жүргүзүп келет.

Жүргүзүлгөн иштин жүрүшүндө Кыргыз Республикасынын министрликтеринин, ведомстволорунун, ошондой эле укук коргоо органдарынын жогорку жетекчилигинин бир катар кызматкерлери кармалды.

Учурда бардык кылмыш иштери боюнча тергөө-оперативдик иш-чаралар жүргүзүлүүдө. Буга чейин көптөгөн иш сотторго кошумча кароо үчүн жөнөтүлгөн.

Ошол эле учурда, укук коргоо органынын жетекчилеринин биринин кармалышына байланыштуу кылмыш ишин иликтөө боюнча жүргүзүлүп жаткан иш-чаралардын жүрүшүндө УКМКга жеке адамдар өздөрүн мамлекеттин жетекчилигинин атынан тааныштыргандыгы жөнүндө маалымат келип түшкөн. Улуттук коопсуздук комитети, тергөө амалдары жүрүп жаткан кылмыш ишинин оң чечими үчүн шектүүнүн туугандарынан 180 миң доллар өлчөмүндө акча алган.

Бул факт боюнча УКМКнын Мамлекеттик Тергөө Башкармалыгы тарабынан  Кыргыз Республикасынын Кылмыш-жаза кодексинин 204 (алдамчылык) беренеси боюнча сотко чейинки иш-аракет башталды. 

2021-жылы 9-мартта шектүү 1972-жылы туулган Кожоев Абдыразак, , жана 1978-жылы туулган Мамаджанов Кумар,  кармалып, УКМКнын убактылуу кармоочу жайына киргизилген. 

УКМК аталган адамдардын алдамчылык иш-аракеттеринин курмандыгы болуп калышы мүмкүн болгон жарандардан тиешелүү арыз менен кайрылууну же УКМКнын нөөмөт кызматына 0312 66-04-75 телефон номуру аркылуу кайрылууну суранат. Анонимдүүлүккө кепилдик берилет.

УКМК ошондой эле бардык тергөө иштери боюнча мыйзамдуу процесстик чечимдер кабыл алынаарын жана конкреттүү бир иштин тергелишинин жүрүшүнө таасир этүү аракеттери мыйзамдын толук көлөмүндө басылаарын эскертет.

УКМКнын пресс-борбору