Каракол шаарында кыз мектептеги шылдыңдын айынан өз жанын кыюуга аракет кылды

27-мартта Каракол шаардык ички иштер башкармалыгынын ИДН кызматкери Мырзабек Саркеев тейленген аймакта мектеп окуучуларынын ата-энелери менен пландык жолугушуу өткөрдү. Жолугушуу учурунда ал 8-класстын окуучуларынын бири классташтарына жана ата-энесине таарынып, өз жанын кыюуну пландап жаткандыгы жөнүндө маалымат алган.

Бул маалымат боюнча Каракол шаардык ички иштер башкармалыгынын ИДН кызматкерлери Мырзабек Саркеев жана Айдана Анварбекова жашы жете элек кыздын ата-энесин аныкташты. Алардын айтымында, кызы уруштан кийин үйдөн чыгып кеткен, андан эч кандай кабар жок, уюлдук телефону өчүрүлгөн. Иштин жагдайларын кылдаттык менен иликтеп чыгып, милиция кызматкерлери өспүрүм кыйын абалда тургандыгын түшүнүштү жана  ал кыз каякта жүргөнүн айткан эмес .

Кызматтык унаадагы милиционерлер ал турган бир нече даректерди текшерип, көчөлөрдү жана короолорду карап чыгып, шаардын аймагын тарашты. Бир аздан кийин, алар кыз кичирайондун көп кабаттуу үйлөрүнүн биринде экендигин билишкен.

Окуя болгон жерге келген инспекторлор өспүрүм менен диалог жүргүзүүгө аракет кылышкан. Бирок кыз алардын сөздөрүнө эч кандай реакция кылган жок жана дагы деле терезеден секирип өз жанын кыюуга даяр болгон. Сүйлөшүү үчүн дагы бир жолу аракет кылгандан кийин, ал эч ким мага жолобосун деп кыйкыра баштаган. Мырзабек учурду колго алып, каршылык көрсөткөн мектеп окуучусун тезинен тартып алды. Кесиптеши Адинай да жардамга келген. Өспүрүм баланы  коопсуз жайга алып келишти.

Көрсө, кыз буга чейин оорусуна байланыштуу УЗИден текшерилген. Бирок, айрым окуучулар мектептен анын кош бойлуу делген имиш, ошондуктан ал дарыгерлердин кароосунан өтүп жаткандыгы тууралуу ушак чыгарышкан. Күн сайын ал жөнүндөгү ушак-айыңдар жана ата-энеси менен болгон түшүнбөстүктөр кызды айласы кеткен кадамга түрттү. Бирок полиция кызматкерлеринин өз убагында жооп кайтаруусу жашы жете элек кыздын өз жанын кыюунун алдын алган.

Учурда өспүрүм менен Каракол шаардык ички иштер башкармалыгынын психологдору жана инспекторлору иштеп жатышат. Кыздын өмүрүнө эч кандай коркунуч жок.

Ысык-Көл облусунун ИИБнын басма сөз кызматы
фото www