Окумуштуу Гүлзат Аалиева диний кастыкты козуткан деген шек менен кармалган
Ал Бишкек шаарынын ИИББнын убактылуу кармоочу жайына киргизилген
Илимпоз Гүлзат Аалиева Бишкекте кармалды. Бул тууралуу Vesti.kg сайтына Биринчи Май районунун Ички иштер башкармалыгынын басма сөз кызматы билдирди.
Башкармалыктын маалыматы боюнча, 2021-жылдын 19-февралында жаран Д.У. Facebook социалдык тармагы аркылуу диндер аралык жана аймактар аралык кастыкты козуткан делген жаран Гүлзат Аалиевага чара көрүү өтүнүчү менен арыз жазган.
Бул факт Биринчи Май РИИБнин КЖБРге катталып, Кыргыз Республикасынын Кылмыш-жаза кодексинин 313 "Расалык, этникалык, улуттук, диний же аймактар аралык кастыкты козутуу" беренеси боюнча сотко чейинки өндүрүш башталды.
Белгиленгендей, тергөө иш-чараларынын жана ыкчам-издөө иш-чараларынын жүрүшүндө борбор калаанын Ички иштер башкы башкармалыгынын ыкчам кызматкерлери тарабынан кылмышка шектүү 1973-жылы туулган Гүлзат Аалиева аныкталып, кармалган. Ал тергөө кызматына алынып келинип, ал жерден Кыргыз Республикасынын Жазык-процесстик кодексинин 98-беренесине ылайык, Бишкек шаардык ички иштер башкы башкармалыгынын убактылуу кармоочу жайына киргизилген.
Мындан тышкары, керектүү экспертизалар дайындалды. Жыйынтыкка ылайык, изилденген материалдын мазмунунда, Аалиеванын басылмаларында кайсы бир динге же аны жактаган адамга каршы чагымчыл аракеттердин лингвистикалык өзгөчөлүктөрү, ошондой эле белгилүү бир диндин жана анын жолдоочуларынын басынткан мүнөзүн чагылдырган лингвистикалык өзгөчөлүктөрү камтылган эмоционалдык баалоо, терс мамиле аныкталган.
Учурда сотко чейинки процесстин алкагында керектүү тергөө иш-аракеттери жүрүп жатканы маалымдалды.
Сүрөт www