Кемпир-Абад каналында өспүрүм сууга чөгүп кетти
Издөө иштери уланууда
Өспүрүм Кемпир-Абад каналына чөгүп кеткен. Бул тууралуу Өзгөчө кырдаалдар министрлигинин басма сөз кызматынан билдиришти.
Алардын айтымында, 8-августта саат 13:00 чамасында Сузак районунун Барпы айыл аймагынын Комсомол айылы аркылуу өтүүчү Кемпир-Абад каналына 2006-жылы туулган өспүрүм чөгүп кеткени тууралуу маалымат түшкөн.
Маалым болгондой, издөө иштерине ӨКМнин 5 кызматкери, 26 куткаруучу жана бир суучул тартылган.
Белгиленгендей, бүгүн эртең мененки саат 07: 20да издөө иштери уланууда.
Бизди Телеграм каналыбыздан окуңуз