Айсулуу Тыныбекова кичинекей күрөшкөн балбан кызды издеп жатат (видео)
Спортчу кызга жардам берүүгө жана спортто багыт берүүгө даяр экенин белгиледи
Олимпиаданын медалынын ээси, Кыргызстандын спортчусу Айсулуу Тыныбекова интернет колдонуучуларды танкалдырган кызды издеп жатат.
Буга чейин Инстаграмда кичинекей кыз күрөшүп, өзү менен жашташ баланы жеңип кеткен видео тараган.
-Кечээ бул видеону интернеттен көрүп абдан сүйүндүм! Качан жана каерден тартылганы белгисиз, бирок бир нече жолу кандай сонун ыкманы жасаган! Сиңдибиз машыгып жүргөнү сиздерге да байкалдыбы?
Күрөштө бул ыкма үчүн эки упай берилет. Мен бул спортко жаңыдан киришип баштаганда, дал ушул ыкманы көп колдончумун. Бул кызды көрүп өзүмдү эстеп кеттим. Себеби ушул ыкма менен мен бир эл аралык мелдештен медаль утуп алгам!
Спортчу видеонун каарманына кайрылды.
Сени менен жолугуп маектешүүгө даярмын, сиңдим! Эгер чоң спортко кадам таштайм десең багыт берүүгө даярмын. Кимде даректери болсо кабар берип коюңуздарчы.
Фото www